Карысныя спасылкі
Афіцыйныя сэрвісы, беларускія рэестры і кантакты, якія часцей за ўсё патрэбны. Усе спасылкі вядуць напрамую на першакрыніцу.
01 Праверце сваю справу
Самая частая блытаніна: USCIS і іміграцыйны суд (EOIR) — гэта дзве розныя сістэмы з рознымі базамі. Калі вашу справу перадалі ў суд, USCIS пра яе больш нічога не пакажа. Правярайце там, дзе справа знаходзіцца зараз.
- Статус справы ў USCIS (адкрыецца ў новай укладцы)
Калі ваша справа ў USCIS — напрыклад, affirmative asylum, — статус глядзіце тут па нумары квітанцыі (receipt number, тры літары і лічбы).
- Асабісты кабінет USCIS (адкрыецца ў новай укладцы)
Лісты, паведамленні і дакументы па вашых справах у адным месцы. Варта завесці, нават калі падаваліся на паперы.
- Статус справы ў іміграцыйным судзе (адкрыецца ў новай укладцы)
Калі справа ўжо ў судзе: статус, дата і месца слухання — па A-нумары. Тое ж самае па тэлефоне: 1-800-898-7180.
- Пошук затрыманага ў сістэме ICE (адкрыецца ў новай укладцы)
Шукаць можна двума спосабамі: па A-нумары або па імені, прозвішчы і краіне нараджэння. Пасля затрымання чалавек з’яўляецца ў базе не адразу — паўтарайце пошук.
- Змена адраса ў USCIS (AR-11) (адкрыецца ў новай укладцы)
Паведаміць пра пераезд трэба на працягу 10 дзён. Страчаны ліст ад USCIS — частая прычына праблем у справе.
- Змена адраса ў судзе (форма EOIR-33) (адкрыецца ў новай укладцы)
Гэта асобная працэдура: адрас, зменены ў USCIS, у суд аўтаматычна не трапляе. Калі позва на слуханне пойдзе на стары адрас, справу могуць разгледзець без вас.
02 Беларускія рэестры: праверце сябе і блізкіх
Запіс у беларускіх «экстрэмісцкіх» спісах або ў базе вышуку — гэта не толькі рызыка пры вяртанні, але і прамы доказ пераследу для вашай справы. Праверце сябе, сваякоў і назвы медыя, на якія вы падпісаны.
- Поўны спіс «экстрэмістаў» Беларусі — з пошукам (адкрыецца ў новай укладцы)
Зручны пошук па спісах «экстрэмісцкіх фарміраванняў» і асоб. Рэсурс размешчаны ў ЕС.
- Афіцыйны спіс экстрэмісцкіх матэрыялаў (адкрыецца ў новай укладцы)
Каналы, медыя, кнігі і сімволіка, прызнаныя «экстрэмісцкімі». Дапамагае паказаць, за што менавіта ў Беларусі пераследуюць — уключна з падпіскай на канал.
- База вышуку: амаль 6 000 беларусаў (адкрыецца ў новай укладцы)
Праверце сябе і блізкіх па базе вышуку МУС. База абнаўляецца.
- Праваабарончы цэнтр «Вясна» (адкрыецца ў новай укладцы)
Хроніка рэпрэсій, спісы палітвязняў і праваабарончая дапамога — асноўная беларуская крыніца па фактах пераследу.
03 Кантакты ў ЗША
- Знайсці свайго кангрэсмена (адкрыецца ў новай укладцы)
Карта выбарчых акруг: увядзіце ZIP — атрымаеце кангрэсмена і кантакты яго офіса. Зварот праз офіс кангрэсмена (congressional inquiry) — рэальны інструмент, асабліва пры затрыманні.
- Сенатары вашага штата (адкрыецца ў новай укладцы)
У кожнага штата два сенатары. Іх офісы таксама прымаюць звароты па іміграцыйных справах.